اتولدت فكرة egyptcarpoolers.com في 2008 على محور 26 يوليو عندما لاحظ أحد مؤسسي الموقع، وهو واقف بالعربية في زحمة المحور زي كل يوم، أن معظم العربيات فيها شخص واحد فقط وهو السواق. ده حتى هو نفسه كان راكب العربية لوحده! فسأل نفسه: "ليه الناس مبتشتركشي في عربية واحدة لما يكونوا رايحين نفس المشوار؟!" أكيد المشاركة في عربية واحدة هيقلل زحمة المرور وهيوفر الفلوس، وكمان هيحافظ على البيئة.  

وكانت إجابة هذا السؤال في غاية البساطة. ما فيش في مصر وسيلة يقدر الناس من خلالها التواصل ومشاركة بيناتهم. قبل كدة كانت الطريقة الوحيدة الي بتخلي أكتر من شخص يشتركوا في عربية واحدة هو أنهم يكونوا زمايل في نفس الشغل أو يكونوا أصحاب. طيب ولو كان زمايلكم في الشغل أو أصحابكم مش ساكنين قريب منكم، تعملوا ايه؟ يعني أفرض لو فيه شخص، ساكن قريب منك، وكمان بيشتغل في مكان قريب من مكان شغلك، هتلاقي الشخص ده إزاي؟ ومن هنا جاءت فكرة إنشاء هذا الموقع. إيجيبت كاربولرز دوت كوم حيعرفك على الناس اللي ساكنة قريب منك وكمان شغلها قريب من شغلك عشان تشتركوا مع بعض في مشوار الشغل كل يوم.